#_Deputat_faoliyati

Tibbiy xizmat sifati va aholi salomatligi — deputatlar nazoratida

️ Xalq deputatlari viloyat Kengashi deputati Sh.Oripov, xalq deputatlari tuman Kengashi raisi M.Ashurov hamda tuman Kengashi deputati A.Safarovlar tomonidan tuman Tibbiyot birlashmasida nazorat-tahlil tadbirlarini o'tkazdi.

O‘rganish jarayonida quyidagi muhim yo‘nalishlarga alohida e’tibor qaratildi:

️Xizmat sifati — fuqarolar uchun yaratilgan sharoitlar, navbatlar tartibi va tibbiyot xodimlarining muomalasi;

️Dori-darmon ta’minoti — imtiyozli dori vositalarining mavjudligi va ularning shaffof tarqatilishi;

️Raqamlashtirish — “Elektron poliklinika” tizimi va onlayn qabulga yozilish imkoniyatlari;

️Moddiy-texnik baza — tibbiy uskunalar, laboratoriya hamda kunduzgi statsionar faoliyati.

Shuningdek, deputatlar aholini qiynab kelayotgan masalalar ya'ni, shifoxonaga uzluksiz elektr energiya ta'minotini yaxshilash uchun alohida qo‘shimcha elektr tarmog‘ini tortish hamda jonlantirish (reanimatsiya) bo‘limiga koyka yetishmasligini inobatga olib, qo‘shimcha xonalar ajratish yuzasidan kelib tushgan takliflarni joyiga borib o‘rgandilar.

“Birlamchi tibbiy bo‘g‘in — aholi salomatligini muhofaza qilishdagi eng muhim tizimdir. Har bir shifokor o‘z vaqtida xizmat ko‘rsatishi, har bir uskuna uzluksiz ishlashi zarur. Asosiy maqsad — xalqimizning tibbiyotdan rozi bo‘lishiga erishish,” — dedi Kengash raisi M.Ashurov.

Mazkur o‘rganish ishlari O‘zbekiston Respublikasining “Fuqarolar sog‘lig‘ini saqlash to‘g‘risida” 265-I-son Qonuni (https://lex.uz/docs/26013) talablariga muvofiq amalga oshirilmoqda.

Ushbu qonunga ko‘ra:

️fuqarolarga sifatli va o‘z vaqtida tibbiy xizmat ko‘rsatish kafolatlanishi;

️tibbiyot muassasalarida zamonaviy sharoitlar yaratilishi shartligi;

️aholining sog‘lig‘ini muhofaza qilish davlat siyosatining ustuvor yo‘nalishlaridan biri hisoblanishi belgilab o‘tilgan.

O‘rganish yakunida aniqlangan ayrim texnik kamchiliklarni bartaraf etish va xizmat sifatini oshirish yuzasidan muassasa rahbariyatiga tegishli tavsiyalar berildi.