O‘tgan hafta sarhisobi va joriy haftada qilinadigan ishlar rejasi yuzasidan yig‘ilish o‘tkazildi

 Xalq deputatlari tuman Kengashi kotibiyati mudiri M.Ashurov ishtirokida Kengash kotibiyatining navbatdagi yig‘ilishi o‘tkazildi.

️ Mazkur yig‘ilishda tuman Kengashi kotibiyati xodimlari hamda deputatlari tomonidan o‘tgan hafta davomida amalga oshirilgan ishlar yakunlari tahlil qilindi.

 Jumladan, deputatlarning o‘z saylov okruglarida olib borgan mahallabay o‘rganish ishlari, fuqarolar qabuli hamda deputatlik so‘rovlari ijrosi natijadorligi, shuningdek, “24 ta eng muhim yo‘nalish” mezonlari asosida mahallalardagi “yettilik” faoliyatini tahlil qilish jarayonlari muhokama etildi.

 O‘tkazilgan tahlillar natijasida aniqlangan kamchiliklar ko‘rsatib o‘tildi hamda ularni bartaraf etish shuningdek, faoliyati samaradorligini yanada oshirish yuzasidan tegishli topshiriqlar berildi.

️ Shu bilan birga, yig‘ilishda joriy hafta uchun ustuvor vazifalar va amalga oshirilishi lozim bo‘lgan chora-tadbirlar belgilab olindi. 

️ Jumladan:

navbatdagi Kengash sessiyasiga puxta tayyorgarlik ko‘rish;

davlat dasturlari ijrosi yuzasidan nazorat-tahlil tadbirlarini izchil davom ettirish;

aholi murojaatlari bilan ishlash jarayonida deputatlar va kotibiyat xodimlari o‘rtasidagi hamkorlikni yanada kuchaytirish vazifalari belgilab berildi.