Deputatlar, «Máhálle jetiligi» menen ushırasıwı.

Xalıq deputatları Bozataw rayonlıq Keńesi sekretariat baslıǵı A.Ibragimov hám 8-sanlı “Erkindarya” saylaw okruginen (ÓzLiDeP) saylanǵan deputat J.Jumanazarov menen birgelikte “Erkindarya” awıl puqaralar jıyınında boldı.

Deputatlar dáslep «Máhálle jetiligi» jumısların úyreniwden basladı.
“Erkindarya” APJdaǵı Hákim járdemshisi Y.Bekimbetovtıń jumıslarınıń nátiyjeliligi hám xalıqtı kámbaǵallıqtan shıǵarıw boyınsha ámelge asırılıp atırǵan jumısları haqqında sóz etiledi.
Búgingi kúnde hákim járdemshisi tárepinen xalıqtı sociallıq qorǵaw, olardıń turmıs dárejesin jaqsılaw hám kámbaǵallıqtı qısqartıw boyınsha keń kólemli jumıslar ámelge asırılmaqta.
Atap aytqanda, kem támiynlengen hám járdemge mútáj shańaraqlar tolıq úyrenilip, olardıń áhmiyetli mashqalaları anıqlanıp atır. Hár bir shańaraq penen jeke tártıpde islew jolǵa qoyılıp, olardıń daramatın arttırıw boyınsha anıq rejeler islep shıǵılmaqta.
Jumıssız puqaralar jumıs penen qamtıw máselesine ayrıqsha itibar qaratılıp, olar kasıp-ónerge oqıtılıp, qayta tayarlaw kursları arqalı jańa kásip iyelew múmkinshiligine iye bolmaqta. Sonday-aq, jańa jumıs orınların jaratıw, xalıqtıń túraqlı daramat dereklerin payda etiwge erisilip atır. Sociallıq qorǵaw tarawında da bir qatar unamlı jumıslar ámelge asırılıp, járdemge mutáj shańaraqlarǵa materiallıq járdem, napaqalar hám basqa túrdegi qollap-quwatlawlar kórsetilip atır. Sonday-aq, awıllarda infrastrukturalardı jaqsılaw, jol, suw, elektr energiyası menen qamtıw, turmıs sharayatların jańalaw boyınsha da jumıslar túraqlı túrde alıp barılmaqta. Bunnan soń deputatlar orınlarǵa shıǵıp úyreniw jumısların alıp bardı, sonday-aq «Bayterek» awılında (bir máhálle, bir ónim) joybarı tiykarında puqaralardıń qıytaq jerlerine egiw ushın deputatlar tárepinen náller tarqatıldı. Bul is-ılajdıń barlıǵı bir maqsetke – xalıqtı kámbaǵallıqtan shıǵarıw, olardıń turmıs sapasın jaqsılaw hám jámiyetde sociallıq turaqlılıqtı támiyinlewge qaratılǵan. Ámelge asırılıp atırǵan jumıslardıń nátiyjesinde xalıqtıń óz kúshi menen daramat tabıw múmkinshilikleri keńeyip, turmıs dárejesi sezilerli túrde jaqsılanıp barmaqta. Bul bolsa, kámbaǵallıq dárejesin sistemalı túrde azaytıwǵa túrtki bolmaqta.