Xalq deputatlari Angor tumani Kengashi raisi Qo‘zimurotov Abdisalom Javliyevich, tuman Kengashi deputati Mamatmirzayeva Raxima hamda Kengash kotibiyati mutaxassisi Xurramov Lazizlar hamkorligida Faravon mahallasida joylashgan umumta’lim maktabida olib borilayotgan rekonstruksiya ishlari o‘rganildi. O‘zbekiston Respublikasi Prezidentining PQ-145-sonli qarori ijrosini ta’minlash maqsadida, mahalladagi umumta’lim maktabida olib borilayotgan rekonstruksiya ishlari joyiga chiqib o‘rganildi. Shu bilan birga, maktab hududida qo‘shimcha bino qurilish ishlari ham ko‘zdan kechirildi. O‘rganish jarayonida deputat tomonidan loyiha-smeta hujjatlari atroflicha tahlil qilinib, qurilish jarayonining sifati, belgilangan texnik me’yor va talablariga muvofiqligi yuzasidan mas’ullar bilan muhokama olib borildi. Aniqlangan holatlar bo‘yicha deputat tomonidan tegishli tavsiyalar berilib, ishlarni belgilangan muddatlarda sifatli yakunlash zarurligi ta’kidlandi.