Xalq deputatlari Kattaqo‘rg‘on shahar Kengashi 3-Samad Raximov saylov okrugi deputati Xamrayev Ravshan Djabborovich tomonidan Kattaqo‘rg‘on shahar hokimligi Obodonlashtirish boshqarmasi boshlig‘ining birinchi o‘rinbosari F.Qurbanovga “Yakkabog‘” mahallasida tungi yoritgich masalasida deputatlik so‘rovi yuborildi. 

O‘rganish jarayonida mahallaning ayrim ko‘chalarida tungi yoritish chiroqlari o‘rnatilmaganligi shuningdek o‘rnatilgan tungi yoritish chiroqlari nosoz holatga kelib qolganligi aniqlandi. Ushbu muammo mahalla raisi tomonidan bir necha marta Obodonlashtirish boshqarmasiga murojaat qilganligi, lekin masala ijobiy hal etilmaganligi ko‘rsatib o‘tildi. Ushbu tungi yoritish chiroqlarini o‘rnatilishi mahalladagi xavfsiz muhitni yaratish hamda huquqbuzarliklarni barvaqt oldini olishga yordam beradi. Ushbu masala yuzasidan zudlik bilan tegishli choralar ko‘rishingiz so‘raladi.