Yettinchi chaqiriq xalq deputatlari Toshloq tumani Kengashining yigirmanchi sessiyasi o‘tkazildi.

Sessiyada O‘zbekiston Respublikasi Prezidentining 2026-yil 5-yanvardagi PQ-1-sonli hamda 2025-yil 18-martdagi PQ-111-sonli qarorlari ijrosi yuzasidan amalga oshirilgan ishlar, jinoyatchilikka qarshi kurashish, huquqbuzarliklarning oldini olish va jamoat xavfsizligini ta’minlash borasidagi chora-tadbirlar, tumanda aholi daromadlarini oshirish, yangi ish o‘rinlarini yaratish hamda kambag‘allikni qisqartirish bo‘yicha asosiy maqsadli ko‘rsatkichlarni belgilash, tuman hududlarini ijtimoiy-iqtisodiy rivojlantirish, barqaror va yuqori iqtisodiy o‘sishni ta’minlash, tadbirkorlik uchun qulay shart-sharoitlar yaratish hamda aholi turmush darajasini yanada yaxshilashga qaratilgan masalalar muhokama qilindi.

Bundan tashqari, 2026-yilda jamoatchilik fikri asosida shakllantirilgan loyihalarni moliyalashtirish, mahalliy budjetning qo‘shimcha manbalari hisobidan mablag‘larni yo‘naltirish, alkogol mahsulotlarini realizatsiya qilish uchun yig‘im stavkalarini belgilash, shuningdek, qattiq maishiy chiqindilarni olib chiqish va hududlarni obodonlashtirish xizmatlari uchun to‘lov tariflarini tasdiqlash masalalari ham atroflicha ko‘rib chiqildi.

Sessiya yakunlari bo‘yicha barcha masalalar yuzasidan tegishli qarorlar qabul qilinib, xalq deputatlari tuman Kengashi va uning doimiy komissiyalarining 2026-yilga mo‘ljallangan ish rejalari tasdiqlandi.