Xalq deputatlari Pastdarg‘om tuman Kengashi deputati A.Abdumurotov joylarda amalga oshirilayotgan ishlar bilan tanishish, ta’lim muassasalarida yaratilgan shart-sharoitlarni ko‘zdan kechirish hamda hudud obodligi holatini baholash maqsadida ta‘lim muassasalarga tashrif buyurdi.

Tashrif davomida sinfxonalarning jihozlanishi, maktab hovlisi va atrof hududlarning obodonlashtirilishi, ko‘kalamzorlashtirish ishlari, shuningdek sanitariya va xavfsizlik masalalari atroflicha o‘rganildi.

Muassasa rahbariyati va o‘qituvchilar bilan muloqot chog‘ida mavjud muammolar muhokama qilinib, ularni bartaraf etish bo‘yicha amaliy takliflar bildirildi. Ta’lim dargohlarida tartib-intizom va ozodalikni ta’minlash, bolalar uchun munosib va xavfsiz muhit yaratish ustuvor vazifa ekani ta’kidlandi.

Bu kabi o‘rganishlar ta’lim sifatini oshirish, muassasalar infratuzilmasini yanada yaxshilash va hududlarni obod qilishga xizmat qiladi.