PF–158-son Farmonida belgilangan 60-maqsad doirasida ko‘p kvartirali uy-joylarni boshqarish tizimini yanada takomillashtirish, aholiga xizmat ko‘rsatish sifatini oshirish bo‘yicha joylarda amalga oshirilayotgan ishlar yuzasidan jamoatchilik nazorati tadbirini o‘tkazish rejalashtirilgan edi.

Mazkur reja asosida Xalq deputatlari viloyat Kengashi deputatlari D.Mexmonova va N.Elchiyevalar tomonidan Quvasoy shahrida ko‘p xonadonli uylarni boshqarish bilan bog‘liq masalalar yuzasidan jamoatchilik monitoringi o‘tkazildi.

Monitoring jarayonida uy-joy mulkdorlari shirkatlari va boshqaruv tashkilotlari faoliyati, uylarni saqlash va ta’mirlash holati, kommunal xizmatlar sifati hamda aholi murojaatlariga munosabat masalalari o‘rganildi.

Aniqlangan muammo va kamchiliklar bo‘yicha tegishli taklif va tavsiyalar ishlab chiqilib, mas’ul idoralarga kiritilishi belgilandi. Bu kabi monitoringlar aholi manfaatlarini himoya qilish, ochiqlik va hisobdorlikni ta’minlashda muhim ahamiyat kasb etadi.