Nurafshon shahar Kengashi deputatlari ishtirokida qonunchilikdagi yangilanishlar muhokama qilindi.

Nurafshon shahar xalq deputatlari Kengashining navbatdagi yig‘ilishida O‘zbekiston Respublikasining yangilangan Konstitutsiyasi hamda tegishli qonun hujjatlariga muvofiq, mahalliy davlat hokimiyati organlari faoliyatidagi islohotlar tahlil qilindi.

Vakolatlarning takomillashtirilishi: Deputatlar tomonidan mahalliy Kengashlarning ijro etuvchi hokimiyat organlari faoliyati ustidan parlamentar nazorat funksiyalari kuchaytirilganiga alohida urg‘u berildi.

Qonunchilikdagi eng muhim o‘zgarishlardan biri — xalq deputatlari Kengashi raisi hamda hokim lavozimlarining bir-biridan mustaqil etib belgilanishi yuzasidan fikr almashildi. Bu o‘zgarish mahalliy Kengashlarning mustaqilligini oshirishga xizmat qilishi ta’kidlandi.

Kengash vakolatiga o‘tkazilgan mahalliy byudjetni shakllantirish, tasdiqlash va uning sarflanishi ustidan nazoratni amalga oshirishning yangi mexanizmlari ko‘rib chiqildi.