Ўқувда сиёсий-ижтимоий хабарлар, қонунчиликдаги янгиликлар, давлат хизматчисининг маънавий-маърифий дунёқарашини бойитишга хизмат қиладиган маълумотлар намойиш қилинди. 

Халқ депутатлари туман Кенгаши раиси, маърифат тарғиботчилари туман бўлими раҳбари Г.Ҳакимова “Алишер Навоий ва Захириддин Муҳаммад Бобур мероси — беқиёс маънавий хазинадир”, Республика Маънавият ва маърифат маркази  туман бўлинмаси раҳбари Э.Юнусова   “Ўзбекистон Республикаси Президентининг 2026 йил 5 февралдаги  буюк давлат арбоби ва саркарда, илм-фан, маданият ва санъат ҳомийси соҳибқирон Амир Темур таваллудининг 690 йиллигини кенг нишонлаш тўғрисида”ги ПҚ-46-сонли қарори ижроси ва давлат мустақиллигининг ўттиз беш йиллик байрамига тайёргарлик кўриш ва уни юқори савида ўтказишга тайёргарлик кўриш  бўйича  Бош вазир А.Арипов раҳбарлигида 2026 йил 11 февраль куни  ўтказилган видеоселектр йиғилишидаги белгилаб берилган вазифалар  юзасидан  маърузалар қилишди.

Шунингдек,  тиббиёт бирлашмаси бошлиғи в.б  Ж.Раҳмонов,  “Экспертлар Кенгаши” аъзоси Н.Дедахановаларнинг  ташкил этилаётган “Маърифат соати” юзасидан фикр-мулоҳазалари тингланди.

Ўқувда тумандаги 41-мактаб ўқувчилари томонидан саҳна кўриниши намойиш этилиб, маърузачилар томонидан  китоблар тақдим қилинди.