Yashil texnologiyalar – barqaror kelajak sari qadam

O‘zbekiston Respublikasi Ekologik partiyasi fraksiyasi rahbari Abdushukur Xamzayev, Qonunchilik palatasi deputati Botirali Shodiyev hamda mahalliy Kengash deputatlari Qiziltepa tumanidagi ilg‘or tajriba maydonlaridan biri bo‘lgan “Zarafshon tola” fermer xo‘jaligida amalga oshirilayotgan innovatsion qishloq xo‘jaligi loyihasi bilan tanishdilar.

O’rganish davomida deputatlar Kengsoy mahalla fuqarolar yig‘ini hududida joylashgan, 60 gektar maydonga arpa ekilgan tajriba maydonini ko‘zdan kechirishdi. E’tiborga molik jihati shundaki, bu yerda Avstriyadan olib kelingan yomg‘irlatib sug‘orish texnologiyasi asosida suv tejamkor usulda sug‘orish ishlari yo‘lga qo‘yilgan. Ushbu ilg‘or texnologiyalar 2025-yil fevral oyida O‘zbekistonga olib kelingan bo‘lib, ular O‘zbekiston Respublikasi Qishloq xo‘jaligi vazirligi bilan tuzilgan shartnoma asosida joriy etilgan.