Xalq deputatlari Oltinsoy tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi ish rejasiga muvofiq navbatdagi nazorat-tahlil tadbiri o‘tkazildi.

Xalq deputatlari Oltinsoy tumani Kengashining 1-“Qiziltepa” saylov okrugida deputatlik o‘rni bo‘sh (vakant) bo‘lganligi sababli, ushbu hudud aholisining murojaatlari va muammolarini o‘rganish maqsadida mas’ullar biriktirildi.

Tadbir davomida Doimiy komissiya raisi Azamat Karamatovich Mamatmuratov, Xalq deputatlari Oltinsoy tuman Kengashi Kotibiyati mudiri Musurmon Abduraxmonovich Xujanov hamda Kotibiyat bosh mutaxassislari A.Esanov va I.Roziqovlar tomonidan “Qiziltepa” mahallasida joylashgan 5-sonli maktabgacha ta’lim tashkilotida savolnoma asosida hamda Senatning 24 ta muhim tavsiyasi ijrosi yuzasidan deputatlik nazorati tartibida o‘rganish ishlari olib borildi.

O‘rganish jarayonida maktabgacha ta’lim tashkiloti binosining umumiy holati, tarbiyalanuvchilar uchun yaratilgan shart-sharoitlar, binoning kirish qismi va xavfsizlik choralari ko‘zdan kechirildi.

Shuningdek, muassasa hududidagi muhandislik-kommunikatsiya tarmoqlari, quduqlar (lyuklar) hamda infratuzilma inshootlarining texnik va xavfsizlik holati deputatlar va mas’ullar tomonidan joyida atroflicha o‘rganildi va taʼlim muassasasi mas’ullariga tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz