Mahallalarda tadbirkorlikni qo‘llab-quvvatlash, soliq qonunchiligiga rioya etilishini ta’minlash va aholining huquqiy savodxonligini oshirish hududning iqtisodiy rivojlanishida muhim ahamiyat kasb etadi.
Xalq deputatlari Chilonzor tumani Kengashi deputati Alisher Abduvahobovich Xusainov 17-saylov okrugi hududidagi “Bek-to‘pi” va “Al-Xorazmiy” mahallalariga biriktirilgan soliq xodimi Rustam Mahmudovning faoliyati bilan tanishdi.
Uchrashuv davomida tadbirkorlar va aholiga soliq qonunchiligi talablarini tushuntirish, mavjud imtiyozlar haqida ma’lumot berish, soliqqa oid murojaatlarni o‘rganish hamda muammolarni qonuniy hal etishga ko‘maklashish masalalari muhokama qilindi.
Deputat tomonidan soliq to‘lovchilar bilan ochiq muloqotni kuchaytirish, tadbirkorlarning faoliyatiga to‘sqinlik qilayotgan muammolarni aniqlash va ularni bartaraf etishga ko‘maklashish, soliq majburiyatlarini o‘z vaqtida bajarish bo‘yicha tushuntirish ishlarini izchil olib borish yuzasidan tavsiyalar bildirildi.
Shuningdek, mahallalarning iqtisodiy salohiyatini oshirish, tadbirkorlik tashabbuslarini qo‘llab-quvvatlash va soliq madaniyatini yuksaltirishga alohida e’tibor qaratish zarurligi ta’kidlandi.
Zеро, soliq sohasidagi samarali hamkorlik tadbirkorlik rivoji, qonuniylik va aholi farovonligini ta’minlashga xizmat qiladi. Bu boradagi izchil ishlarning natijasi esa mahallalar iqtisodiy taraqqiyotida namoyon bo‘ladi.