#162_ta_Qonun
#Tashkilot_bilan_hamkorlik
#Kotibiyat_mudir_ish_rejasi
#Oylik_Ish_reja_ijrosi
#Ish_reja_ijrosi
🏛 Sanitariya-epidemiologik osoyishtalik holati o‘rganildi

Xalq deputatlari Sherobod tumani Kengashi raisi O.Tursunov tomonidan Sanitariya-epidemiologik osoyishtalik va jamoat salomatligi qo‘mitasi Sherobod tuman bo‘limida O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi O‘RQ–393-son Qonuni ijrosi yuzasidan savolnoma asosida o‘rganish ishlari olib borildi.

🔹 O‘rganish davomida hududdagi sanitariya-epidemiologik vaziyatni monitoring qilish, yuqumli va parazitar kasalliklarning oldini olish, ularning tarqalishini cheklash bo‘yicha amalga oshirilayotgan profilaktik tadbirlar holati o‘rganildi.

📋 Shuningdek, ichimlik suvi, oziq-ovqat mahsulotlari, ta’lim va tibbiyot muassasalari hamda boshqa ijtimoiy obyektlarda sanitariya qoidalariga rioya etilishi, davlat sanitariya nazorati doirasida amalga oshirilayotgan ishlar, aniqlangan kamchiliklar va ular yuzasidan ko‘rilayotgan choralar tahlil qilindi.

💉 Bundan tashqari, aholi o‘rtasida shaxsiy gigiena, sog‘lom turmush tarzi, yuqumli kasalliklarning oldini olish bo‘yicha olib borilayotgan targ‘ibot-tushuntirish ishlari, emlash tadbirlarining qamrovi hamda Milliy emlash taqvimi ijrosi yuzasidan ma’lumotlar o‘rganildi.

🤝 O‘rganish jarayonida sanitariya-epidemiologik osoyishtalikni ta’minlashda mahalliy davlat hokimiyati organlari, tibbiyot muassasalari va boshqa tashkilotlar o‘rtasidagi hamkorlik holatiga ham alohida e’tibor qaratildi.

✅ O‘rganish yakunlari bo‘yicha aniqlangan masalalar yuzasidan tegishli taklif va tavsiyalar ishlab chiqilib, aholi salomatligini muhofaza qilish hamda sanitariya-epidemiologik barqarorlikni ta’minlash yo‘nalishidagi ishlarni yanada takomillashtirish bo‘yicha chora-tadbirlar belgilandi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube