Fuqarolar murojaatlari tinglandi

O‘rta Chirchiq tumanida fuqarolarning murojaatlarini tinglash, ularning muammo va takliflarini o‘rganish hamda mavjud masalalarga qonuniy yechim topish maqsadida uchrashuv tashkil etildi.

Unda Xalq deputatlari O‘rta Chirchiq tumani Kengashi raisi R.Djumanova, tuman hokimining birinchi o‘rinbosari U.Akbarov, tuman Xalq qabulxonasi bosh mutaxassisi S.Kadirov hamda tuman hokimligi Umumiy bo‘limi mudiri I.Alimbekovalar ishtirok etdi.

Uchrashuv davomida fuqarolar tomonidan bildirilgan murojaatlar, taklif va muammolar atroflicha tinglandi. Har bir murojaat yuzasidan mas’ullar tomonidan tegishli tushuntirishlar berilib, ularni belgilangan tartibda o‘rganish va hal etish bo‘yicha zarur choralar ko‘rish masalalariga e’tibor qaratildi.

Murojaatlarda ko‘tarilgan masalalarni o‘z vaqtida va samarali hal etish, fuqarolar bilan ochiq muloqotni yo‘lga qo‘yish hamda aholini qiynayotgan muammolarga amaliy yechim topish muhimligi ta’kidlandi.

✅Xalq deputatlari O‘rta Chirchiq tuman Kengashi kotibiyati axborot xizmati!