#24_másele
#13_sanlı_M_Shapiev_saylaw_okrugi
#Ózbekstan_Ekologiyalıq_partiyası

✅ Deputat kóp qabatlı turaq jaylar aymaǵında balalar maydanshası qurılıs jumısları menen tanıstı

⚡️ Deputat Sh.Berdimuratov hám Ózbekstan “Ekologiyalıq” partiyası wákili K.Sarıbaev “Jipek jolı” MPJ aymaǵındaǵı  kóp qabatlı turaq jaylardıń aymaǵında qurılıp atırǵan balalar maydanshasınıń qurılıs jumısları menen tanıstı.

Úyreniw dawamında balalar maydanshasın qurıw procesi, ámelge asırılıp atırǵan jumıslardıń sapası, belgilengen joybar talaplarına muwapıqlıǵı jáne balalar ushın qáwipsiz hám qolaylı sharayatlar jaratılıwına ayrıqsha itibar qaratıldı.

Sonday-aq, maydandı zamanagóy oyın inventarları menen támiyinlew, aymaqtı abadanlastırıw, balalardıń mazmunlı dem alıwı ushın zárúr sharayatlardı jaratıw hám qáwipsizlik talaplarına ámel etiw máseleleri kórip shıǵıldı.

Deputat qurılıs jumısların sapalı shólkemlestiriw, belgilengen múddetlerde juwmaqlaw, ornatılatuǵın úskenelerdiń balalar qáwipsizligi talaplarına juwap beriwin támiyinlew boyınsha óz usınısların bildirdi.

Bul úyreniwden gózlengen tiykarǵı maqset — kóp qabatlı turaq jaylarda jasaytuǵın xalıq, ásirese, balalar ushın qolaylı hám qáwipsiz ortalıq jaratıw, aymaq infrastrukturasın jaqsılaw jáne ámelge asırılıp atırǵan qurılıs jumısları ústinen deputatlıq qadaǵalawdı alıp barıwdan ibarat.