MAHALLALARDA AHOLI DAROMADLARINI OSHIRISH VA KAMBAG‘ALLIKNI QISQARTIRISH ISHLARI O‘RGANILDI

🇺🇿 Respublikamizning barcha hududlarida bo‘lgani kabi, Pastdarg‘om tumanida ham aholi daromadlarini oshirish, bandligini ta’minlash va kambag‘allikni qisqartirishga qaratilgan tizimli ishlar amalga oshirilmoqda.

👍 Xalq deputatlari Pastdarg‘om tumani Kengashi deputati, tuman hokimi J. Pardayev 1-Go‘zalkent saylov okrugiga qarashli Go‘zalkent va Oltiqahramon mahallalari faoliyati bilan tanishdi.

✅ Tashrif davomida mahallalardagi “mahalla yettiligi” faoliyati, aholi bandligini ta’minlash, oilalar daromadlarini oshirish hamda ijtimoiy himoyaga muhtoj fuqarolarni kambag‘allikdan chiqarish borasida amalga oshirilayotgan ishlar atroflicha o‘rganildi.

🏠 Mahalla binolarida o‘tkazilgan tahlillardan so‘ng, ijtimoiy reyestrga kiritilgan fuqarolarning xonadonlariga tashrif buyurilib, ularning yashash sharoitlari, muammolari va mavjud imkoniyatlari o‘rganildi.

💬 Muloqotlar davomida fuqarolarning bandligini ta’minlash, tadbirkorlik va daromad keltiruvchi faoliyat bilan shug‘ullanishiga ko‘maklashish, shuningdek, mavjud imkoniyatlardan samarali foydalanish orqali oilalar farovonligini oshirish yuzasidan aniq vazifalar belgilab olindi.

🤩 Shuningdek, fuqarolarga davlat tomonidan taqdim etilayotgan imtiyozlar, qo‘llab-quvvatlash choralari va mavjud imkoniyatlar haqida tushuntirishlar berildi. Har bir oilaning qiziqishi, qobiliyati va ehtiyojidan kelib chiqib, manzilli amaliy yordam ko‘rsatish muhimligi ta’kidlandi.