💧 Xalq tashabbusi bilan boshlangan loyiha — yakuniy bosqichda!

2026-yilning 1-mavsumida O‘zbekiston Respublikasining “Ochiq budjet” portali orqali o‘tkazilgan ovoz berish yakunlariga ko‘ra, Sherobod tumani Zarabo‘g‘ mahallasidagi Shalqon–Zarabo‘g‘ qishloqlari oralig‘ida mavsumiy sel suvlaridan samarali foydalanish maqsadida kichik suv havzasi qurish loyihasi g‘olib deb topilgan.

💰 Loyiha qiymati — 1 500,0 million so‘m.
🏗 Ayni paytda loyiha doirasidagi qurilish ishlari yakuniy bosqichga yetib kelgan.

📍 Xalq deputatlari Sherobod tumani Kengashining 2-Zarabo‘g‘ saylov okrugi deputati Xojidinov Ximoydin Sayfiddinovich loyiha amalga oshirilayotgan hududga tashrif buyurib, qurilish ishlarining borishi bilan yaqindan tanishdilar.

🔎 O‘rganish davomida bajarilgan ishlar, qurilishning bugungi holati hamda loyihani yakuniga yetkazish bilan bog‘liq masalalarga e’tibor qaratildi.

Xalq deputatlari Sherobod tumani Kengashi kotibiyati matbuot xizmati.