Xalq deputatlari Qo‘qon shahar Kengashi deputati, 22-“Charxini ko‘prigi” saylov okrugi vakili G.Rasulova tomonidan “Yalang‘och ota” mahalla fuqarolar yig‘inida Ijtimoiy reyestrga kiritilgan oilalarni qo‘llab-quvvatlash holatini o‘rganish ishlari davom ettirildi.

Shu doirada Charxiy ko‘chasi, 27-uy, 19-xonadonda istiqomat qiluvchi D.Axmadova oilasi holidan xabar olinib, xonadondagi ijtimoiy sharoit va oilaning ehtiyojlari bilan yaqindan tanishildi.

️O‘rganish chog‘ida oilaga ko‘rsatilayotgan ijtimoiy yordam choralari ham ko‘rib chiqildi. Xususan, “Saxovat va ko‘mak” jamg‘armasi orqali vaucher ajratilib, oziq-ovqat hamda kiyim-kechak mahsulotlarini xarid qilish uchun yordam berilgani aniqlandi.

Bunday manzilli tashriflar orqali ehtiyojmand oilalarning holatini bevosita o‘rganish, ularga ko‘rsatilayotgan ko‘makni baholash va mavjud muammolarni aniqlashga e’tibor qaratilmoqda.

Xalq deputatlari Qo‘qon shahar Kengashi