Bandixon tumanida deputatlik nazorati: Tuman Qurilish va arxitektura bo‘limi faoliyati tahlil qilindi

Bandixon tumanida shaharsozlik intizomini ta’minlash, hududlarning me’moriy qiyofasini yaxshilash hamda bunyodkorlik ishlarida sifat va shaffoflikni oshirish borasida tizimli deputatlik nazorati choralari ko‘rilmoqda.

Xalq deputatlari Bandixon tuman Kengashi deputati I.A.Xalmatov hamda Kengash kotibiyati bosh mutaxassisi E.Eshonqulovlar tuman Qurilish va uy-joy kommunal xo‘jaligi bo‘limida bo‘lib, o‘rganish o‘tkazdilar.

Monitoring jarayonida O‘zbekiston Respublikasining Shaharsozlik kodeksi talablarining bajarilishi, tuman bosh rejasiga asosan amalga oshirilayotgan bunyodkorlik ishlari, ijtimoiy soha va infratuzilma ob’ektlarida qurilish sifati, shuningdek, sohani raqamlashtirish holati atroflicha ko‘rib chiqildi.

Tashrif yakunida aniqlangan masalalar yuzasidan loyihalarni o‘z vaqtida ekspertizadan o‘tkazish, noqonuniy qurilishlarning oldini olish hamda hududlarda xavfsiz shaharsozlik muhitini yaratish bo‘yicha bo‘lim rahbarlariga tegishli ko‘rsatmalar berildi.