Xalq deputatlari tuman Kengashi deputati J.Yoqubov tomonidan Yangiobod tuman tibbiyot birlashmasining ko‘p tarmoqli markaziy poliklinikasida bemorlar uchun yaratilgan sharoitlar joyiga chiqqan holda o‘rganildi.

O‘rganish davomida poliklinikaga murojaat qilayotgan fuqarolarga tibbiy xizmat ko‘rsatish sifati, bemorlar uchun yaratilgan qulayliklar, tibbiyot xonalarining holati hamda mavjud tibbiy jihozlardan foydalanish samaradorligiga e’tibor qaratildi.

Muassasada sanitariya-gigiyena talablariga rioya etilishi, kutish joylarining holati, bemorlar uchun zarur sharoitlarning mavjudligi hamda tibbiy xizmatlarni yanada qulay tashkil etish masalalari ham muhokama qilindi.

O‘rganish yakunida aniqlangan masalalar yuzasidan mas’ullarga tegishli tavsiya va takliflar bildirilib, bemorlar uchun yaratilgan sharoitlarni yanada yaxshilash, tibbiy xizmat ko‘rsatish sifatini oshirish hamda fuqarolar murojaatlariga e’tiborli bo‘lish bo‘yicha vazifalar belgilandi.

Mazkur yo‘nalishdagi ishlar deputatlik nazoratida davom ettiriladi.