#Kengash_raisi_faolyati
#Kunlik_ish_reja
#Haftalik_ish_reja

“TO‘LQIN” MAHALLASIDA MAHALLA YETTILIGI FAOLIYATI VA FUQAROLAR MUROJAATLARI O‘RGANILDI

Xalq deputatlari Angor tumani Kengashi raisi Qo'zimurodov Abdusalom Javliyevich tomonidan 5-To'lqin saylov okrugida “To‘lqin” mahallasida mahalla yettiligi faoliyati hamda hududdagi mavjud muammolar o‘rganildi.

O‘rganish davomida mahalla yettiligining aholi bilan ishlash samaradorligi, fuqarolarning murojaatlarini qabul qilish, ularni tegishli tartibda ko‘rib chiqish va muammolarni amaliy hal etish borasida amalga oshirilayotgan ishlar tahlil qilindi.

Shuningdek, hududdagi ijtimoiy masalalar, aholini qiynayotgan muammolar hamda ularning yechimi yuzasidan mas’ullarning faoliyati ko‘rib chiqildi. O'rganishda Xalq deputatlari Surxandaryo viloyati Kengashi kotibiyati bosh mutaxassisi E. Isoqov, Xalq deputatlari Angor tumani Kengashi kotibiyati mutaxassisi M. Choriyeva, tegishli mas’ullar va mahalla faollari ishtirok etdi.

O‘rganish jarayonida profilaktika inspektori tomonidan mahalladagi fuqarolarning “yashil”, “sariq” va “qizil” toifalari, ularning ijtimoiy holati hamda profilaktik tadbirlar yuzasidan amalga oshirilayotgan ishlar haqida batafsil ma’lumot berildi.

Yakunida aniqlangan muammolarni bartaraf etish, fuqarolar murojaatlariga o‘z vaqtida va qonuniy yechim topish, shuningdek, mahalla yettiligi faoliyatini yanada takomillashtirish yuzasidan tegishli mas’ullarga tavsiya va ko‘rsatmalar berildi.

Mahalladagi muammoni o‘z vaqtida aniqlash, fuqarolar murojaatini tinglash va uning yechimini ta’minlash — deputatlik nazoratining muhim yo‘nalishlaridan biridir.