QONUN O‘RGANILDI

Xalq deputatlari Qo‘shko‘pir tuman Kengashi deputati B. Jabborov hamda Qo‘shko‘pir tuman IIB JXX HPB inspektori, katta leytenant B. Sadullayev tomonidan Ixtisoslashtirilgan ta’lim muassasalari agentligi tizimidagi Qo‘shko‘pir tuman ixtisoslashtirilgan maktabida o‘quvchilar o‘rtasida voyaga yetmaganlar huquqlari va qonuniy manfaatlarini himoya qilish, nazoratsizlik hamda huquqbuzarliklarning oldini olish borasida amalga oshirilayotgan ishlar o‘rganildi.
O‘rganish davomida O‘zbekiston Respublikasining 2010-yil 29-sentabrdagi O‘RQ-263-son “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi Qonuni ijrosiga alohida e’tibor qaratildi.
Shuningdek, o‘quvchilar o‘rtasida huquqiy madaniyatni yuksaltirish, qonunlarga hurmat ruhini shakllantirish, huquqbuzarliklarning barvaqt oldini olish hamda yoshlarning bo‘sh vaqtini mazmunli tashkil etish masalalari yuzasidan tegishli tavsiyalar berildi.
Mazkur yo‘nalishdagi deputatlik nazorati voyaga yetmaganlar o‘rtasida huquqbuzarliklarning oldini olish, yosh avlodning huquqiy ongi va fuqarolik mas’uliyatini oshirishga xizmat qiladi.