AHOLI XONADONLARIDAGI MASALALARGA E’TIBOR QARATILDI

Xalq deputatlari Termiz tuman Kengashi 14-Surxon saylov okrugi deputati J. Taxchiyeva tomonidan o‘zi saylangan Termiz MFY hududida aholi xonadonlariga tashrif amalga oshirildi.

Tashrif davomida oilalarning kundalik sharoiti, mavjud ehtiyojlari va yechimini kutayotgan masalalar bilan yaqindan tanishildi. Fuqarolar bilan samimiy suhbatlashib, ularni qiynayotgan muammolar hamda bildirilgan takliflar bevosita xonadonlarning o‘zida o‘rganildi.

Aniqlangan masalalar bo‘yicha ularni hal etishning amaliy yo‘llari muhokama qilinib, zarur hollarda mas’ul tashkilotlar bilan hamkorlikda tegishli choralarni ko‘rish belgilandi.

Deputat tomonidan xonadonlarda ko‘tarilgan masalalarning yechimi e’tibordan chetda qoldirilmasligi va murojaatlar ijrosi nazoratga olinishi qayd etildi.

Aholi bilan bevosita muloqot — muammoni aniqlash va uning yechimiga yo‘l ochishning muhim omilidir.