Mazkur ishlar O‘zbekiston Respublikasi Prezidentining PQ-298-sonli qarori ijrosi doirasida amalga oshirilib, mahalla infratuzilmasini kompleks rivojlantirish, aholi uchun qulay muhit yaratish va hududning zamonaviy qiyofasini shakllantirishga qaratilgan.
Loyiha doirasida mahalla hududida qator muhim infratuzilmaviy obyektlar barpo etilmoqda. Jumladan: zamonaviy loyiha asosida yangi mahalla binosi qurilmoqda; aholining mazmunli hordiq chiqarishi uchun ko‘ngilochar alleya tashkil etilmoqda; 2,5 kilometr uzunlikda piyodalar yo‘laklari barpo etiladi; 1,8 kilometr lotok tarmog‘i tortiladi; asosiy avtomobil yo‘li bo‘ylab 81 dona, ichki ko‘chalarga esa 96 dona tungi yoritish chiroqlari va ustunlari o‘rnatilmoqda; bolalar uchun zamonaviy o‘yingoh hamda vorkaut maydonchasi barpo etilmoqda.
Amalga oshirilayotgan mazkur ishlar, avvalo, mahalla aholining kundalik hayoti uchun qulay sharoit yaratish, xavfsiz va obod muhitni ta’minlashga xizmat qiladi.
Bunyodkorlik va obodonlashtirish ishlarining izchil davom ettirilishi natijasida “Otayurt” mahallasining infratuzilmasi yana-da takomillashib, aholi uchun zamonaviy, qulay va farovon yashash muhiti shakllantiriladi.