Xalq deputatlari Tuproqqalʼa tumani Kengashi raisi Xushnudbek Romanberganovich Sultonov «Sayopir» mahallasida bank xodimining aholi bandligini taʼminlash borasida olib borayotgan ish faoliyati samaradorligini o‘rgandi.
O‘rganish davomida mahallada ishsiz aholi qatlamini ish bilan taʼminlash, aholining daromad manbalarini ko‘paytirish hamda ijtimoiy himoyaga muhtoj oilalarni qo‘llab-quvvatlash borasida bank tomonidan amalga oshirilayotgan ishlar tahlil qilindi.
Xususan, bank xodimi tomonidan ijtimoiy himoyaga muhtoj oilalarni tadbirkorlikka jalb etish, ularga o‘z biznesini yo‘lga qo‘yish uchun mavjud imkoniyatlardan samarali foydalanishda amaliy ko‘mak ko‘rsatilayotgani ijobiy holat sifatida qayd etildi.
Shuningdek, aholi bandligini taʼminlash, ishsiz fuqarolarni kasb-hunarga o‘qitish va tadbirkorlik faoliyatiga jalb etish orqali ularning doimiy daromad manbaiga ega bo‘lishini taʼminlash muhim vazifalardan biri ekanligi taʼkidlandi.