Bepul dori-darmon bilan ta’minlanish holati o‘rganildi

O‘rmonchi mahalla fuqarolar yig‘ini hududida joylashgan Uyluqma oilaviy shifoxonasida fuqarolarga bepul beriladigan dori-darmon vositalari bilan ta’minlanish holati yuzasidan nazorat-tahlil ishlari olib borildi.
Nazorat-tahlil jarayoni tuman Kengashi deputati G. Keldibekova tomonidan amalga oshirildi.
O‘rganish davomida shifoxonada mavjud bepul dori vositalari, ularning saqlanishi, hisobini yuritish hamda aholiga belgilangan tartibda yetkazib berilishi bilan bog‘liq holatlarga e’tibor qaratildi.
Mazkur nazorat-tahlil ishlari aholining dori-darmon vositalaridan belgilangan tartibda va samarali foydalanishini ta’minlash, shuningdek, tibbiy xizmatlar sifatini yanada yaxshilashga qaratilgan.