Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat Y.Xolmurotov tumanning “Istiqlol” mahallasidagi ko‘p qavatli uy-joylarga xizmat ko‘rsatuvchi “Titan Maxima” MChJ boshqaruv servis kompaniyasi faoliyatini o‘rgandi.

🔻O‘rganishdan asosiy maqsad ko‘p qavatli uy-joylarda istiqomat qiluvchi aholi uchun yaratilgan sharoitlar, umumiy foydalanishdagi hududlarni saqlash va obodonlashtirish, uy-joylarning texnik holatini nazorat qilish, kommunal xizmatlarning uzluksizligini ta’minlash hamda aholi murojaatlari bilan ishlash holatini deputatlik nazorati tartibida ko‘rib chiqishdan iborat bo‘ldi.

🔻O‘rganish jarayonida boshqaruv servis kompaniyasi tomonidan ko‘p qavatli uylarga xizmat ko‘rsatish bo‘yicha amalga oshirilayotgan ishlar, uylarning umumiy foydalanishdagi qismlarini saqlash, kirish yo‘laklari va zinapoyalarning sanitariya holati, hududlarni obodonlashtirish hamda mavjud infratuzilmani asrash borasidagi ishlarga e’tibor qaratildi. Shuningdek, uy-joylarda yuzaga kelayotgan texnik va maishiy muammolarni o‘z vaqtida aniqlash va bartaraf etish, aholidan kelib tushayotgan murojaatlarni ko‘rib chiqish hamda ular bo‘yicha amaliy choralar ko‘rish holati ham o‘rganildi.

🔻O‘rganish yakunida aniqlangan masalalar yuzasidan mas’ullarga tegishli tavsiyalar berildi hamda ko‘p qavatli uy-joylarga xizmat ko‘rsatish sifati, hududlarning obodonligi va aholi murojaatlarining o‘z vaqtida hal etilishi deputatlik nazoratida bo‘lishi belgilandi.