Yo‘q.
Mahalliy Kengash faoliyatida doimiy komissiyalarning o‘rni biz o‘ylagandan ancha katta.
Ko‘p hollarda komissiya faoliyati sessiyaga kiritilayotgan masalani ko‘rib chiqish va unga xulosa berish bilan bog‘lanadi.
Ammo qonunchilik doimiy komissiyalarga bundan kengroq imkoniyat bergan.
📌 Masalan, doimiy komissiya o‘z tashabbusi bilan Kengash qarori loyihasini ishlab chiqishi mumkin.
Bu nima degani?
Aytaylik, deputatlar o‘z hududlarida bir xil muammoga tez-tez duch kelmoqda:
— chiqindilarni olib chiqishda uzilishlar bor;
— ichki yo‘llarni ta’mirlash kechikmoqda;
— ichimlik suvi bilan bog‘liq murojaatlar ko‘paygan;
— jamoat transporti aholi ehtiyojini qoplanayapti.
Bunday vaziyatda doimiy komissiya faqat kimdir masalani sessiyaga olib chiqishini kutib turishi shart emas.
Komissiya muammoni o‘rganishi, tegishli ma’lumotlarni tahlil qilishi va o‘z tashabbusi bilan Kengash qarori loyihasini ishlab chiqishi mumkin.
Bu — juda muhim vakolat.
Chunki samarali Kengash faqat taqdim etilgan masalalarni muhokama qilmaydi.
Samarali Kengash muammoni o‘zi ko‘radi, o‘rganadi va yechimni ham o‘zi taklif qiladi.
💡 AMALIY TAVSIYA
Doimiy komissiya yig‘ilishida bir masalani muhokama qilganda uch savolni qo‘yish foydali:
1️⃣ Bu muammo bo‘yicha Kengash darajasida qaror qabul qilish zarurati bormi?
2️⃣ Muammoni hal qilish uchun qaysi tashkilotlar jalb qilinishi kerak?
3️⃣ Qaror qabul qilinsa, uning ijrosini kim va qanday nazorat qiladi?
Shunda komissiya yig‘ilishi shunchaki muhokama emas, Kengashning aniq tashabbusi shakllanadigan maydonga aylanadi.
📚 Huquqiy asos: «Mahalliy davlat hokimiyati to‘g‘risida»gi Qonunning 19 va 19¹-moddalari.