Ijtimoiy himoyaga muhtoj fuqarolarni qo‘llab-quvvatlash, ularning muammolarini o‘z vaqtida aniqlash va zarur xizmatlardan foydalanishi uchun qulay sharoit yaratish — muhim vazifalardan biridir.
🇺🇿Shu maqsadda Xalq deputatlari Parkent tumani Kengashi 24-“Tolbuloq” saylov okrugi deputati Uboydullayeva Yulduz Abrorjonovna tomonidan Fayzobod mahallasi raisi O. O‘roqov hamda ijro organlari vakillari bilan hamkorlikda mahallada aholining ijtimoiy ehtiyojmand qatlamlariga ko‘rsatilayotgan xizmatlarning sifati va samaradorligi o‘rganildi.
O‘rganish davomida, avvalo, ijtimoiy ko‘mak va e’tiborga ehtiyoji yuqori bo‘lgan oilalar, yolg‘iz va keksalar, nogironligi bo‘lgan fuqarolar hamda boshqa ehtiyojmand toifalarning mavjud muammolarini aniqlash va ularga ko‘rsatilayotgan ijtimoiy xizmatlarning manzilliligi masalalariga e’tibor qaratildi.
Fuqarolarning kundalik hayotida duch kelayotgan qiyinchiliklarini o‘z vaqtida aniqlash, zarur hollarda tegishli tashkilotlarga yo‘naltirish, mavjud imkoniyat va imtiyozlar haqida tushuntirish berish hamda ijtimoiy xizmatlardan foydalanish imkoniyatlarini kengaytirish bo‘yicha ishlar muhokama qilindi.
Shuningdek, mahalla mas’ullari bilan hamkorlikda ijtimoiy ehtiyojmand fuqarolarni e’tibordan chetda qoldirmaslik, ularning murojaatlarini o‘z vaqtida ko‘rib chiqish va har bir holatga individual yondashish muhimligi ta’kidlandi.
Ijtimoiy himoya — bu nafaqat yordam ko‘rsatish, balki insonning munosib hayot kechirishi uchun zarur sharoitlarni yaratishdir. Shu bois ehtiyojmand qatlam vakillariga ko‘rsatilayotgan xizmatlarning sifati, tezkorligi va manzilliligi doimiy e’tiborda bo‘lishi lozim.
O‘rganish yakunlari bo‘yicha mavjud masalalarni bartaraf etish, aholining ijtimoiy ehtiyojmand qatlamlariga ko‘rsatiladigan xizmatlarni yanada takomillashtirish hamda hamkorlikdagi ishlarni kuchaytirish yuzasidan tegishli vazifalar belgilandi.
⚠️ Har bir inson e’tiborda. Har bir ehtiyojmand oila qo‘llab-quvvatlovda. Har bir murojaat — e’tibor va amaliy yondashuvga munosib!