Xalq deputatlari Parkent tuman Kengashiga 5-“Changi” saylov okrugidan saylangan deputat Mahkamova Feruza Sa’diyevna tomonidan deputatlik nazorati doirasida Parkent tumani sport maktabida yosh sportchilar
uchun yaratilgan sharoitlar hamda yunon-rum kurashi yo‘nalishida olib borilayotgan mashg‘ulotlar o‘rganildi.O‘rganish jarayonida sport maktabi direktori A.Qurbonaliyev ishtirok etdi. Mashg‘ulotlar jarayoni kuzatilib, yunon-rum kurashi yo‘nalishi treneri Yo‘ldoshev Abzal bilan suhbatlashildi.Suhbat davomida mazkur yo‘nalishda olib borilayotgan mashg‘ulotlarning tashkil etilishi,o‘quvchilar qamrovi va sportchilarning tayyorgarlik holati yuzasidan ma’lumotlar olindi.Ma’lum bo‘lishicha, yunon-rum kurashi mashg‘ulotlariga 36 nafar o‘quvchi jalb etilgan bo‘lib, mashg‘ulotlar haftasiga 3 marotaba o‘tkazilmoqda. O‘rganish davomida sport mashg‘ulotlarining sifati,mavjud sport inventarlari va mashg‘ulotlar uchun yaratilgan sharoitlar,yoshlarning sportga qiziqishi hamda ularning turli musobaqalarga tayyorgarlikjarayonlari muhokama qilindi.Shuningdek, trener bilan muloqot davomida yo‘nalishda erishilayotgan natijalar, mavjud muammolar va ularni bartaraf etish bo‘yicha takliflar tinglandi. Yosh sportchilarning mashg‘ulotlarini yanada samarali tashkil etish va ularning sport mahoratini oshirish masalalariga alohida e’tibor qaratildi.O‘rganish yakunida sport maktabi faoliyatini takomillashtirish, yoshlarni sportga keng jalb etish, mashg‘ulotlar uchun zarur sharoitlarni yanada yaxshilash hamda aniqlangan masalalarni mutasaddi tashkilotlar bilan hamkorlikda hal etish yuzasidan tegishli tavsiyalar berildi.