Barchamizga ma’lumki aholini rozi qilish, ularni o‘ylantirib kelayotgan muammoli masalalarni o‘rganish va bartaraf etish borasida mahalliy Kengashlar deputatlari tomonidan ham qator tadbirlar amalga oshirilmoqda. 

Navbatdagi o‘rganish tadbiri xalq deputatlari viloyat Kengashi deputati F.Sa’dullayeva hamda shahar Kengashi deputati P.Ro‘ziboyevlar hamkorligi asosida Urganch shahar Navro‘z mahallasi hududida o‘tkazilib, ushbu jarayonda mazkur hududda istiqomat qilayotgan fuqaro D.Sobirovning murojaati o‘rganish ob’ekti qilib tanlandi. 

Unga ko‘ra fuqaroning xaqli e’tiroziga sabab bo‘layotgan quyidagi masalalar aniqlandi. 

-hududdagi obodonlashtirish ishlarining tizimli yo‘lga qo‘yilmaganligi sababli maishiy chiqindilar va daraxt hamda butalarga shakl berilmaganligi. 

-“open budjet” dasturi asosida yutib olingan Navro‘z mahallasi 4-yo‘lak ko‘chasi ta’mirlanmasdan qolganligi kabi muammoli masalalar borligi yuzasidan o‘z e’tirozlarini yo‘lladi. 

Yuqoridagilardan kelib chiqqan holda mazkur hudud aholisini o‘ylantirayotgan masala yuzasidan shahar
obodonlashtirish bo‘limi hamda shahar moliya bo‘limi bilan hamkorlik qilinib, bugungi kunda hududni tozalash ishlari boshlandi. Nazarda tutilayotgan ichki yo‘lni ta’mirlash borasida mablag‘ ajratish ishlari yakunlanganidan keyin ta’mirlab berilishi tushuntirildi.