Xalq deputatlari Paxtakor tumani Kengashi deputati M.Xasamiddinov tomonidan 7-sonli davlat maktabgacha ta’lim tashkiloti faoliyati o‘rganildi.

O‘rganish davomida O‘zbekiston Respublikasining 2019-yil 16-dekabrdagi «Maktabgacha ta’lim va tarbiya to‘g‘risida»gi O‘RQ-595-son Qonuni ijrosining ta’minlanish holatiga ham alohida e’tibor qaratildi. Mazkur Qonun maktabgacha ta’lim va tarbiya sohasidagi munosabatlarni tartibga solishga qaratilgan.

Shuningdek, tashkilot hududining obodonlashtirilishi, atrof-muhitning tozaligi va sanitariya holati, bolalar o‘yingohlari hamda umumiy foydalanish joylarining holatiga alohida e’tibor qaratildi.

O‘rganish davomida aniqlangan masalalar yuzasidan mas’ullar bilan fikr almashilib, tarbiyalanuvchilar uchun yanada qulay, xavfsiz va toza muhit yaratish bo‘yicha tegishli tavsiyalar berildi.