#deputat_axboroti #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputati Mirjalol Qosimov 2026-yilning ikkinchi choragi bo‘yicha axborot berdi

🏛 Sergeli tumanidagi “Saxovat” va “Qipchoq” mahallalarida Xalq deputatlari Toshkent shahar Kengashi deputati Mirjalol Qosimov aholi va saylovchilar bilan uchrashib, hududlarda amalga oshirilgan ishlar hamda mavjud masalalar yuzasidan axborot berdi. Unda Sergeli tumani hokimi Davron Ismatov, tuman hokimligi mas’ul xodimlari, O‘zLiDep tuman Kengashi mas’ul xodimi, mahalla raislari, “mahalla yettiligi” vakillari, nuroniylar, xotin-qizlar, yoshlar hamda faol fuqarolar ishtirok etdi.

🗣 Uchrashuv avvalida deputat tomonidan 2026-yilning ikkinchi choragi davomida amalga oshirilgan deputatlik faoliyati yuzasidan axborot berildi. Hisobot davrida deputat hududlarni rivojlantirish, aholi murojaatlarini hal etish, obodonlashtirish, ijtimoiy himoya va infratuzilmani yaxshilashga oid masalalar yuzasidan o‘z takliflarini bildirib bordi.

🛣 “Saxovat” mahallasida hudud infratuzilmasini yaxshilash doirasida 10 000 kvadrat metr ichki yo‘l asfaltlandi, 2 300 kvadrat metr piyodalar yo‘lagi barpo etildi hamda 4 000 metr bordyur yotqizildi.

🔺 Aholi, ayniqsa, bolalar va yoshlar uchun qulay sharoit yaratish maqsadida 11 ta bolalar maydonchasida qurilish ishlari olib borilmoqda, yana 2 ta bolalar maydonchasi barpo etildi. Shuningdek, 1 ta workout maydonchasi va 1 ta futbol maydoni tashkil etildi.

💧 Mahallada yashil hududlarni sug‘orish uchun 1 ta quduq qazilib, 2 kilometr sug‘orish tizimi barpo etildi. Hududga qo‘shimcha 350 tup daraxt ekildi, kasallangan daraxtlarni davolash ishlari olib borildi.

🏢 Shu bilan birga, 24 ta ko‘p qavatli uyning fasadi va kirish yo‘laklari ta’mirlandi, 3 ta nuroniylar maskanida qurilish ishlari olib borildi. Hududga 50 ta o‘rindiq va chiqindi qutisi, 5 ta ayvon o‘rnatilib, mahallaga kirish qismida arka barpo etildi.

📍 “Qipchoq” mahallasida esa 7 000 kvadrat metr ichki yo‘l asfaltlandi, 1 800 kvadrat metr piyodalar yo‘lagi barpo etildi hamda 2 700 metr bordyur yotqizildi.

📉 Mahallada 6 ta bolalar maydonchasida qurilish ishlari davom etmoqda, yana 1 ta yangi bolalar maydonchasi barpo etildi. Bundan tashqari, 1 ta workout maydonchasi va 1 ta futbol maydoni tashkil etildi.

🌳 Ko‘kalamzorlashtirish va sug‘orish tizimini yaxshilash maqsadida 1 ta quduq qazilib, 1,5 kilometr sug‘orish tizimi barpo etildi. Hududga 200 tup qo‘shimcha daraxt ekildi, kasallangan daraxtlarni davolash ishlari amalga oshirildi.

🏘 “Qipchoq” mahallasidagi 14 ta ko‘p qavatli uyning fasadi va kirish yo‘laklari ta’mirlandi, 2 ta nuroniylar maskanida qurilish ishlari olib borildi. Shuningdek, hududga 30 ta o‘rindiq va chiqindi qutisi o‘rnatilib, mahallaga kirish qismida arka barpo etildi.

🤝 Uchrashuv davomida hisobot amaliy muloqotga ulanib, fuqarolar tomonidan bildirilgan taklif va murojaatlar Sergeli tumani hokimi Davron Ismatov, deputat Mirjalol Qosimov hamda mutasaddi tashkilotlar vakillari ishtirokida joyida muhokama qilindi. Ichki yo‘llar, obodonlashtirish, kommunal xizmatlar, ijtimoiy himoya va mahalla infratuzilmasiga oid masalalar yuzasidan tegishli vazifalar belgilab olindi.

✅ Yakunda deputat Mirjalol Qosimov saylovchilar bilan ochiq muloqotni izchil davom ettirish, fuqarolar tomonidan ko‘tarilayotgan masalalarni joyiga chiqqan holda o‘rganish hamda “Saxovat” va “Qipchoq” mahallalarida amalga oshirilayotgan ishlarni deputatlik nazoratida davom ettirishini ta’kidladi.

📱 Telegram 📱 Instagram 📱 Facebook 📱 YouTube 🔎 E-kengash