Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan o‘rganish ishlari davom etmoqda.

Mazkur yo‘nalishlar doirasida Xalq deputatlari Pastdarg‘om tumani Kengashi deputati D. Tuychiyeva tomonidan Uchtepa mahallasidagi 92-sonli umumta’lim maktabida o‘rganish ishlari olib borildi.

O‘rganish davomida maktab yangi o‘quv yiliga tayyorgarlik holati, o‘quvchilar uchun yaratilgan sharoitlar, ta’lim jarayonini tashkil etish holati hamda kuz-qish mavsumini betalafot o‘tkazish bo‘yicha amalga oshirilayotgan ishlar ko‘zdan kechirildi.