Xalq deputatlari Yunusobod tumani Kengashi deputati Usmanov Nigmatulla Rixsiboyevich tomonidan mahalla aholisidan kelib tushgan murojaatlar asosida hududda faoliyat yuritayotgan “Usmon Shashlik” va “Polvon Shashlik” umumiy ovqatlanish shoxobchalarida o‘rganish ishlari olib borildi.

🤝O‘rganish davomida tadbirkorlik subyektlari vakillari bilan profilaktik suhbat o‘tkazildi. Suhbatda ovqat tayyorlash jarayonida hosil bo‘layotgan tutun va hidning atrofdagi aholi xonadonlariga noqulaylik tug‘dirayotgani, fuqarolardan ushbu masala yuzasidan ko‘plab murojaatlar kelib tushayotgani alohida ta’kidlandi.

⚖️Shuningdek, sanitariya-gigiyena me’yorlari, ekologik talablar hamda jamoat osoyishtaligiga rioya etish, tutun va hidning tarqalishini kamaytirish bo‘yicha zarur texnik choralarni ko‘rish yuzasidan tadbirkorlarga tegishli tavsiya va tushuntirishlar berildi.

✅Mazkur masala deputatlik nazoratiga olinib, aholi uchun qulay va sog‘lom yashash muhitini ta’minlash borasidagi ishlar izchil davom ettiriladi.

Bizni kuzatishda davom eting!