Xalq deputatlari G‘allaorol tuman Kengashi deputati S.Ishimova tomonidan saylovchilar bilan navbatdagi uchrashuv o‘tkazildi.

Uchrashuv davomida fuqarolarni qiynab kelayotgan dolzarb masalalar tinglanib, ularning murojaatlari batafsil o‘rganildi.
Muloqot jarayonida ichki yo‘llarni ta’mirlash, ichimlik suvi ta’minoti, elektr energiyasi, ijtimoiy yordam, bandlik hamda kommunal xizmatlar bilan bog‘liq masalalar yuzasidan fuqarolar tomonidan taklif va murojaatlar bildirildi. Har bir murojaat tegishli tartibda qayd etilib, ularni hal etish bo‘yicha mas’ul tashkilotlar bilan hamkorlikda zarur choralar belgilandi.
Fuqarolarga amaliy yordam ko‘rsatildi va muammolarning bir qismi shu yerning o‘zida ijobiy hal etildi. Qo‘shimcha o‘rganish talab etadigan murojaatlar esa deputat nazoratiga olinib, ularning ijrosini ta’minlash yuzasidan tegishli idoralarga deputatlik nazorati doirasida topshiriqlar berildi.