Xalq deputatlari Nurobod tumani Kengashi deputati N.Norqorayev tomonidan 20-Ahron saylov okrugi hududida joylashgan Novbahor mahallasida o‘rganish ishlari olib borildi.

O‘rganish davomida mahalladagi har bir ko‘chaga biriktirilgan ko‘cha oqsoqollari bilan hamkorlikda aholiga ko‘rsatilayotgan birlamchi tibbiy xizmatlar, xususan, patronaj hamshiralar tomonidan xonadonlarga tashrif buyurish holati, tibbiy kuzatuv sifati hamda aholining bu boradagi fikr va takliflari o‘rganildi.

Mazkur o‘rganish ishlari Xalq deputatlari Nurobod tumani Kengashining navbatdagi sessiyasi kun tartibiga tuman Sog‘liqni saqlash bo‘limi boshlig‘ining hisoboti kiritilishi rejalashtirilgani munosabati bilan amalga oshirildi.

O‘rganish davomida aniqlangan holatlar va bildirilgan takliflar umumlashtirilib, navbatdagi sessiyada muhokama qilinadigan masalalar yuzasidan tegishli takliflar tayyorlanadi.

Xalq deputatlari Nurobod tumani Kengashi deputatlari tomonidan hududlarda aholiga ko‘rsatilayotgan davlat xizmatlari sifatini o‘rganish, fuqarolar murojaatlarini joyiga chiqib tahlil qilish hamda mavjud muammolarni bartaraf etish yuzasidan tizimli ishlar davom ettirilmoqda.