Xalq deputatlari Oltinsoy tumani Kengashining 20-"Sayrak" saylov okrugidan saylangan deputat Egamberdiyev Abror Ergashovichning saylov okrugida ko‘chalarni obodonlashtirish va hududlar sanitariya holatini yaxshilashga qaratilgan targ‘ibot tadbiri o‘tkazildi.

Tadbirda Xalq deputatlari Surxondaryo viloyati Kengashi deputati A.Oripov, tuman Kengashi kotibiyati bosh mutaxassisi A.Esanov hamda "Sayrak" mahallasi yettiligi vakillari ishtirok etdi.

Uchrashuv davomida mahalla hududidagi ichki ko‘chalarni obodonlashtirish, sanitariya-tozalik ishlarini tizimli tashkil etish, aholi tomonidan atrof-muhit ozodaligini saqlash hamda fuqarolarning bu boradagi mas’uliyatini yanada oshirish masalalari yuzasidan tushuntirish va targ‘ibot ishlari olib borildi.

🕊Telegram 💬Facebook 🌐E-kengash 📸Instagram ▶️YouTube 🌐 oltinsoy.uz