YOSHLAR YETAKCHISI FAOLIYATI DEPUTATLIK NAZORATI DOIRASIDA O‘RGANILDI 

Xalq deputatlari Quva tuman Kengashi kotibiyati mudiri R.Nodirov hamda
kotibiyat bosh mutaxassisi M.To‘xtasinov tomonidan xalq deputatlari Quva
tuman Kengashi deputati, tuman hokimi X.Umarov saylangan hudud -
Baynalminal mahalla fuqarolar yig‘inida yoshlar yetakchisining faoliyati
o‘rganildi.

O‘rganish jarayonida mahallada yoshlar bilan ishlash tizimi, ularning
bandligini ta’minlash, kasb-hunarga yo‘naltirish, tadbirkorlik tashabbuslarini
qo‘llab-quvvatlash, “Yoshlar daftari” bilan ishlash, “Dolzarb 90 kun” dasturi
ijrosi, yoshlarni bo‘sh vaqtlarini mazmunli tashkil etish hamda iqtidorli
yoshlarni rag‘batlantirish borasida amalga oshirilayotgan ishlar tahlil
qilindi.

Shuningdek, uyushmagan yoshlarni ijtimoiy hayotga jalb etish, ularning
muammolarini o‘rganish va manzilli hal etish, ta’lim, bandlik hamda
tadbirkorlikka oid imkoniyatlardan samarali foydalanish yuzasidan olib
borilayotgan ishlarga alohida e’tibor qaratildi.
O‘rganish davomida aniqlangan kamchiliklar yuzasidan mas’ulga tegishli
tavsiyalar berildi. Aniqlangan
kamchiliklar "Deputatning ko‘cha aylanish daftari"ga kiritilib,
ijrosi deputatlik nazoratiga olindi.