Xalq deputatlari Pastdarg‘om tuman Kengashi deputati X.Turdiyev tomonidan navbatdagi sessiya kun tartibiga kiritilgan tuman veterinariya va chorvachilikni rivojlantirish bo‘limi rahbarining hisoboti yuzasidan sessiya oldi o‘rganishlari olib borildi.

Shu maqsadda deputat Sinchi va Qorag‘uppa mahalla fuqarolar yig‘inlaridagi aholi xonadonlariga tashrif buyurib, xonadonlarda parvarish qilinayotgan chorva mollarining holati, veterinariya xizmatlarining tashkil etilishi, profilaktik tadbirlarning amalga oshirilishi hamda veterinariya pasportlarini yuritish holatini o‘rgandi.

Tashrif davomida fuqarolar bilan muloqot qilinib, ularga ko‘rsatilayotgan veterinariya xizmatlari sifati bo‘yicha fikr va takliflar tinglandi.

Aholi tomonidan sohani yanada takomillashtirishga doir bir qator takliflar bildirildi.

O‘rganishlar natijasida ayrim hududlarda veterinariya xizmatlari samaradorligini oshirish zarurligi qayd etildi.