📌Xalq deputatlari Farg‘ona viloyati Kengashi deputati, “Yoshlar siyosati, xotin-qizlar, madaniyat va sport masalalari” bo‘yicha doimiy komissiya raisi D.Mexmonova tashabbusi bilan Xalq deputatlari Quvasoy shahar Kengashi kotibiyati, Maktabgacha va maktab ta’limi bo‘limi hamda Oila va xotin-qizlar bo‘limi hamkorligida “Yosh qizlarning tarbiyasida kasb-hunarga o‘qitishning o‘rni” mavzusida tadbir tashkil etildi.

✔️Mazkur tadbirda Quvasoy shahar hokimi Z.To‘raqulov, shahar Davlat xavfsizlik xizmati bo‘limi boshlig‘i, shuningdek, tegishli tashkilot va idoralar rahbarlari ishtirok etdilar.

💡Tadbir davomida yosh qizlarni kasb-hunarga yo‘naltirish, ularning zamonaviy bilim va ko‘nikmalarni egallashi, mehnat bozorida raqobatbardosh bo‘lib voyaga yetishi hamda oilaviy va ijtimoiy hayotda munosib o‘rin egallashiga ko‘maklashish masalalari muhokama qilindi.

🚩So‘zga chiqqanlar tomonidan yosh avlod, ayniqsa, qizlarning ta’lim olishi, kasb-hunar egallashi va ma’naviy-axloqiy tarbiyasini yuksaltirish borasida amalga oshirilayotgan ishlar hamda istiqboldagi ustuvor vazifalar yuzasidan fikr va takliflar bildirildi.

🔄Tadbir yakunida hamkorlikni yanada kuchaytirish, yosh qizlarning ijtimoiy faolligini oshirish va ularni kasb-hunarga keng jalb etishga qaratilgan tashabbuslarni izchil davom ettirish zarurligi ta’kidlandi.

🔗Shahar Maktabgacha va maktab bo'limi boshlig'i N.Mo'minova va viloyat Kengashi deputati, “Yoshlar siyosati, xotin-qizlar, madaniyat va sport masalalari” bo‘yicha doimiy komissiya raisi D.Mexmonova tomonidan "Memorandum" imzolandi.