Xalq deputatlari Parkent tuman Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich deputatlik nazorati doirasida o‘zi saylangan hududdagi “Bo‘ston” MFYda "mahalla yettiligi” faoliyati bilan tanishdi.O‘rganish davomida mahalla ijtimoiy xodimi Raximova Gulzoda tomonidan yolg‘iz keksalar, nogironligi bo‘lgan shaxslar hamda boshqa ijtimoiy ehtiyojmand fuqarolarga ko‘rsatilayotgan xizmatlarning manzilliligi va samaradorligi yuzasidan nazorat-tahlil ishlari olib borildi.Nazorat jarayonida “Bo‘ston” MFYda 33 nafar nogironligi bo‘lgan fuqaro, 16 nafar alohida ijtimoiy ko‘makka muhtoj shaxs, 1 ta kambag‘allik chegarasidagi hamda 9 ta kambag‘al oila mavjudligi aniqlandi.Shuningdek, 2026-yil davomida ijtimoiy himoyaga muhtoj oilalarning 3 tasiga oziq-ovqat va moddiy yordam ko‘rsatilgani, 1 nafar fuqaroga davolanish uchun order ajratilgani, 9 nafar fuqaro POM va RTV mahsulotlari bilan ta’minlangani hamda 4 nafar mehnatga layoqatli nogironligi bo‘lgan shaxs doimiy ish bilan band qilingani qayd etildi.Deputat tomonidan ijtimoiy yordamga muhtoj oilalarni aniqlash, ularning muammolarini o‘z vaqtida o‘rganish hamda manzilli ijtimoiy ko‘mak ko‘rsatish ishlari yuzasidan tegishli xulosalar chiqarilib, mavjud holat deputatlik nazorati tartibida baholandi.O‘rganish yakunida mahalla ijtimoiy xodimi bilan birgalikda aniqlangan muammolarni bosqichma-bosqich bartaraf etish, ijtimoiy himoyaga muhtoj fuqarolarni qo‘llab-quvvatlash hamda bu boradagi ishlar samaradorligini yanada oshirish yuzasidan tegishli tavsiyalar va chora-tadbirlar belgilandi.