“Nurafshon” mahallasida ijtimoiy xizmatlar sifati va aholini qo‘llab-quvvatlash ishlari o‘rganildi

Tasdiqlangan reja jadval asosida Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar hamkorligida “Nurafshon” mahallasida saylovchilar bilan uchrashuv o‘tkazildi hamda ijtimoiy sohada amalga oshirilayotgan ishlar holati o‘rganildi.
⚡️O‘rganishlar davomida mahallada faoliyat yuritayotgan ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlar sifati, kam ta’minlangan oilalarni qo‘llab-quvvatlash, ularga ijtimoiy nafaqalar va moddiy yordamlarni tayinlash hamda to‘lash jarayonlari tahlil qilindi.
⚡️Shuningdek, ijtimoiy himoyaga muhtoj fuqarolarning muammolarini o‘z vaqtida aniqlash, ularni manzilli qo‘llab-quvvatlash, nogironligi bo‘lgan shaxslar, keksalar va boquvchisini yo‘qotgan oilalarga ko‘rsatilayotgan xizmatlar samaradorligiga alohida e’tibor qaratildi.
⚡️Saylovchilar bilan bo‘lgan muloqotlar chog‘ida fuqarolarning ijtimoiy ta’minot, bandlik, tibbiy xizmat va boshqa sohalarga oid murojaatlari tinglanib, ularni hal etish yuzasidan tegishli tavsiya va tushuntirishlar berildi.
⚡️O‘rganish natijalariga ko‘ra, aholini ijtimoiy himoya qilish tizimi samaradorligini yanada oshirish, ehtiyojmand oilalarni manzilli qo‘llab-quvvatlash choralarini kuchaytirish hamda ijtimoiy xizmatlar sifatini yaxshilash bo‘yicha tegishli takliflar ishlab chiqildi.
⚡️Bunday o‘rganishlar aholining ijtimoiy himoyasini mustahkamlash, fuqarolar murojaatlariga tezkor munosabat bildirish va mahallalarda ijtimoiy adolat tamoyillarini ta’minlashga xizmat qilmoqda.