Xalq deputatlari Karmana tumani Kengashi deputatlari tomonidan joylarda aholi farovonligini oshirish ва hududlarni iqtisodiy rivojlantirishga qaratilgan loyihalarning borishi muntazam ravishda o‘rganib borilmoqda.
✅Xususan, Xalq deputatlari Karmana tumani Kengashidagi O‘zLiDeP deputatlik guruhi a’zosi, 14-Arg‘un saylov okrugidan saylangan deputat A.Quvonov tumandagi "Xo‘ja Xisrav" mahallasida bo‘ldi. Deputat tashrifining asosiy maqsadi hududda xizmat ko‘rsatish va servis sohasini rivojlantirish loyihalari doirasida hayotga tadbiq etilgan ishlar, yaratilgan yangi tadbirkorlik subyektlari va ish o‘rinlarining bugungi holatini o‘rganishdan iborat bo‘ldi.
Ma’lumot uchun: Bugungi kunda mahallalarda servis va xizmat ko‘rsatish yo‘nalishini kengaytirish – hudud iqtisodiyotini jonlantirish hamda ishsizlikni kamaytirishning eng samarali vositalaridan biri hisoblanadi.
✅O‘rganishlar davomida deputat A.Quvonov mahalla faollari, tadbirkorlar va loyiha tashabbuskorlari bilan uchrashdi. Suhbat jarayonida xizmat ko‘rsatish majmualari, savdo shaxobchalari va maishiy xizmat ko‘rsatish nuqtalarining ish faoliyati, ularga yaratilgan shart-sharoitlar hamda aholining ushbu xizmatlardan qoniqish darajasi tahlil qilindi.
✅Tadbirkorlar tomonidan bildirilgan takliflar va sohani yanada kengaytirishda yuzaga kelayotgan masalalar muhokama qilinib, ularni hal etish yuzasidan chora-tadbirlar belgilandi. Shu bilan birga, deputat aniqlangan ayrim kamchiliklarni bartaraf etish va loyihalar samaradorligini yanada oshirish bo‘yicha mas’ullarga tegishli tavsiyalar berdi.
➡️Xalq vakilining bunday bevosita o‘rganishlari hududiy dasturlarning qog‘ozda emas, balki amalda, mahalla ahlining kundalik hayotida o‘z aksini topishiga xizmat qilmoqda.