Xalq deputatlari Boyovut tumani Kengashi deputati G.Rizayeva tashabbusi bilan 9-oilaviy poliklinikada “Xotira va qadrlash kuni” munosabati bilan baynalmilal jangchi fuqarolar uchun tibbiy ko‘rik tashkil etildi.

Tadbir davomida fuqarolar malakali shifokorlar tomonidan chuqurlashtirilgan tibbiy ko‘rikdan o‘tkazilib, ularning salomatlik holati o‘rganildi hamda zarur tibbiy tavsiya va maslahatlar berildi. Shuningdek, aniqlangan holatlar bo‘yicha tegishli davolanish va profilaktik choralarni ko‘rish yuzasidan yo‘naltirishlar taqdim etildi.

Mazkur tadbir aholining salomatligini mustahkamlash, ayniqsa, yurt tinchligi va osoyishtaligi yo‘lida xizmat qilgan faxriylarni e’zozlash hamda ularga e’tibor va g‘amxo‘rlik ko‘rsatish maqsadida tashkil etildi.