Xalq deputatlari Qo‘shko‘pir tuman Kengashi raisi M. Tangriberaganov tomonidan “Xorazm gaz payvandchilar” MChJ shaklidagi PBK Qo‘shko‘pir tumani filiali faoliyatida aholini qattiq maishiy chiqindilarni olib chiqish xizmati bilan to‘liq va sifatli qamrab olish borasida amalga oshirilayotgan ishlar Shixmashhad mahallasi hududida atroflicha o‘rganildi.

O‘rganish jarayonida hududda sanitariya holatini yaxshilash, ekologik barqarorlikni ta’minlash hamda aholiga ko‘rsatilayotgan kommunal xizmatlar sifatini oshirish masalalariga alohida e’tibor qaratildi. Mutasaddilarga xizmat ko‘rsatish qamrovini yanada kengaytirish, chiqindilarni o‘z vaqtida olib chiqish hamda aholi murojaatlariga tezkor munosabat bildirish yuzasidan tegishli topshiriqlar berildi.