O‘rganish jarayonida markazda ona va bola salomatligini muhofaza qilish, chaqaloqlarni ona suti bilan oziqlantirishni qo‘llab-quvvatlash hamda go‘daklar va kichik yoshdagi bolalar uchun mo‘ljallangan oziq-ovqat mahsulotlariga qo‘yilgan talablarning bajarilishi ko‘zdan kechirildi.

Shuningdek, ushbu yo‘nalishda amalga oshirilayotgan ishlar, tibbiyot xodimlarining faoliyati hamda onalarga yaratilgan sharoitlar bilan yaqindan tanishildi.

Tashrif davomida mutaxassislar bilan fikr almashilib, bolalar salomatligini mustahkamlash, sog‘lom avlodni shakllantirish hamda qonun talablarining to‘liq ijrosini ta’minlash yuzasidan tegishli tavsiyalar berildi.