Xalıq deputatları rayonlıq Keńesi, 9-sanlı “Dawıt kól” saylaw okruginen (ÓzLiDP) saylanǵan deputatı, G.Bekbosınova tárepinen, óz saylaw okriginde puqaralardıń múrájatların úyreniw maqsetinde gezektegi jeke tártiptegi qabıllawı ótkerildi.
Qabıllaw dawamında puqaralar tárepinen kredit, ishki jollardı jaqsılaw, tamarqa jerlerin suwǵarıw ushın aqaba suw máselesi sıyaqlı turmıslıq mashqalalar boyınsha birqatar múrájatlar bildirildi.
Bunda puqaralar tárepinen bildirilgen hár bir múrájat tiyisli tártipte úyrenilip shıǵıldı hám ayrım múrájatlar sol orınnıń ózinde unamlı sheshim tapqan bolsa, sheshimi waqıt talap etetuǵın múrájatlar qadaǵalawǵa alındı.