Xalq deputatlari Tuproqqal’a tuman Kengashiga 6-son “Yoshlik” saylov okrugidan deputat S. Allayorov deputatlar faoliyatining eng muhim yo‘nalishlari bo‘yicha may oyi reja-jadvaliga asosan hududda o‘rganish ishlarini olib bormoqda.

Mazkur reja doirasida deputat hududdagi madaniyat muassasalari, jumladan maktab kutubxonalari faoliyatini o‘rganish maqsadida 4-son maktabda bo‘ldi. Maktab kutubxonasida jami 11 796 ta kitob mavjud bo‘lib, shundan 9 110 tasi darslik fondini tashkil etadi.

O‘rganish davomida deputat kutubxonaga tashrif buyurgan kitobxonlar bilan muloqot qildi. Suhbatlar jarayonida nafaqat o‘qituvchi va o‘quvchilar, balki mahalla aholisining ham kitobxonlikka bo‘lgan qiziqishi ortib borayotgani qayd etildi. Bu esa aholini kitob o‘qishga keng jalb etish borasida yaratilayotgan shart-sharoit va imtiyozlarning amaliy natijasi sifatida baholandi.

Shuningdek, Yoshlik mahallasida bolalar musiqa va san’at maktabi, kitob savdosi bilan shug‘ullanuvchi savdo shoxobchasi hamda maktab kutubxonasining mavjudligi aholining madaniyat, san’at va kitobxonlikka bo‘lgan qiziqishini oshirishda muhim omil bo‘lib xizmat qilayotgani ta’kidlandi.